Ղարաբաղցի «տատիկն ու պապիկ»ը «երիտասարդացած» են

ԼՈՒՍԻՆԷ ՄՈՒՍԱՅԷԼԵԱՆ

Լեռնային Ղարաբաղի խորհրդանիշը իր տեղադրումէն 46 տարի ետք պաշտօնապէս բացուեցաւ: «Մենք ենք, մեր լեռները» կոչուող յուշարձանը, որ փաղաքշօրէն կ՚անուանուի նաեւ «Տատիկ-պապիկ», կառուցուած է խորհրդային տարիներուն։ Քանդակագործը Սարգիս Բաղդասարեանն է։

Մենք ենք մեր լեռները

ՅԱՐՈՒԹ ՄԱՐՏԻՐՈՍԵԱՆ

Արդի ժամանակներուն  տեսական միջոցներու բազմացումով, քաղաքներ կամ երկիրներ աւելի հեշտ կը ճանչցուին իրենց իւրահատուկ  խորհրդանիշներով: Այսպէս, օրինակի համար ճարտարագէտ Կիւստաւ Էիֆէլ իր աշտարակով պաշտօնապէս կնքած է ոչ միայն Փարիզը կամ Ֆրանսան, աւելին՝ հեղինակին ստեղծագործութիւնը եզակիօրէն անմահացած է իր իսկ ազգանունով: