Եթէ առաջադրուի՝ Սերժ Սարգսեան կ՚ընդունի վարչապետ դառնալ… մէկ պայմանով

ՀՀ նախագահ Սերժ Սարգսեան Tert.am-ի հետ զրոյցին անդրադարձած է 2014 թուականին իր ըրած յայտարարութեան, թէ այլեւս երբեք թեկնածու պիտի չըլլայ պետութեան ղեկավարի պաշտօնին: Ան ըսած է, որ Հայաստանի Հանրապետական կուսակցութիւնը եւ համախոհական կառավարութեան անոր գործընկեր Հայ Յեղափոխական Դաշնակցութիւնը եթէ ի վերջոյ որոշեն առաջադրել իր թեկնածութիւնը, ատիկա կ՚ըլլայ իր կողմէ մէկ պայմանով:

Արմէն Ռուստամեան. «Սահմանադրական փոփոխութիւններու նպատակը՝ կառավարման համակարգը խորհրդարանական համակարգի վերածելն է»

Մարտ 17ին, ՀՅԴ Արեւմտեան Եւ­րո­պայի Կեդրոնական Կո­միտէն կազ­մա­կեր­պած էր հրապարա­կային հան­դի­պում մը ՀՀ Ազ­գա­յին Ժո­ղովի Ար­տա­քին Քաղաքականու­թեան յանձնա­խումբի նա­խագահ, ՀՅԴ Բիւ­րո­յի քա­ղաքա­կան ներկայացու­ցիչ Ար­մէն Ռուստա­մեանի հետ, որ կա­յացաւ Ալ­ֆորվի­լի Հայ Մշա­կոյ­թի Տան մէջ։ Բա­նախօ­սու­թեան ըն­թացքին ներ­կա­յացո­ւեցաւ «ՀՅԴ գնա­հատա­կան­ներն ու առա­ջարկնե­րը սահ­մա­նադ­րա­կան փոփոխու­թիւննե­րու հա­յեցա­կար­գի վերաբերեալ» նիւ­թը։ Նա­խօրեակին,  «Նոր Յառաջ» հարցազրոյց մը ունեցած է բանախօսին հետ։