«Մայրենի» հրատարակչութեան միջոցով Հոկտեմբեր ամսու կիսուն Ռոտ Այլընտի մէջ լոյս տեսաւ դոկտ. Վաչէ Ղազարեանի կազմած, խմբագրած եւ ծանօթագրած «Ժողովածոյ Գրիգոր Քէօսէեանի Նամակներու Եւ Յարակից Նիւթերու» խաւաքարտեայ կողքով հատորը, որ իր 748 էջերուն մէջ կ՚ընդգրկէ 114 անձերէ ստացուած կամ անոնց ուղարկուած նամակներ, Քէօսէեանի հրատարակած հատորներուն մասին հրատարակուած եւ անտիպ գրախօսականներ, նոյնին նախապէս հրատարակուած ժողովածոներուն մէջ չամփոփուած կարգ մը գրութիւններ, նորագոյն շրջանի գունաւոր երգիծանկարներ,- որոնք կ՚առնչուին Արցախի եւ Կազայի ողբերգութիւններուն ու պայթուցիկ համաշխարհային կացութեան,- ինչպէս նաեւ լուսանկարներ, որոնք կը ներկայացնեն Քէօսէեանը զանազան տարիներու եւ այլազան առիթներով՝ հրապարակային, ընկերական, բարեկամական եւ ընտանեկան միջավայրերու մէջ:
