ԼԻԼՒԹ ԳԱԼՍՏԵԱՆ
Ամիսներ առաջ, երբ Հանրային Հեռուստառադիոընկերութեան խորհրդի նախագահն
Ազգային Ժողովի բարձր ամբիոնից խոստացաւ, որ մաքրելու է եթերը, ու
որակապէս նոր հանրային հեռուստաընկերութիւն ենք ունենալու, գուցէ եւ մատների
վրայ հաշուուող որոշ միամիտներ կամ հանրապետութիւնում մնացած վերջին
լաւատեսները հաւատացին: Իսկ մի քանի օր առաջ, ինչպէս հարկ է մեզանում,
«աստղային» համերգով, շամպայնով ու թիթեռնիկաֆրակաւոր յայտնի «էլիտա»յի
ոսկէ ներկայութեամբ ազդարարուեց Հանրայինի նոր եթերաշրջանը:
