ՍԵՒԱՆ ՏԷՅԻՐՄԵՆՃԵԱՆ
Գերագոյն հոգեւոր խորհուրդը անցեալ շաբաթ գումարած իր հերթական նիստի աւարտին հրապարակեց յայտարարութիւն մը, որուն մանրամասնութիւնները կարելի է ընթերցել առցանց կամ տպագիր մամլոյ միջոցներէն։ Հոն կար հետեւեալ արտայայտութիւնը. «Մեր ակնկալութիւնն է Թուրքիայի իշխանութիւններից, որ ընդառաջեն Հայոց Պատրիարքի ընտրութիւնների կազմակերպման հայ համայնքի արդար պահանջին»։
Արդեօք Մայր Աթոռը իր այս ակնկալութիւնը պաշտօնապէս փոխանցա՞ծ է Թուրքիոյ իշխանութիւններուն, թէ ան ընթացիկ յայտարարութեան մը տողերուն մէջ անտեսումի դատապարտուած պարզ մաղթանք մըն է. չե՛նք գիտեր, քանի որ այդ ուղղութեամբ որեւէ այլ տեղեկութիւն տրուած չէ հանրութեան։
