Այցերու գումար - Total Pageviews - Total de visitas

14.4.14

... Լեռը մո՞ւկ մը պիտի ծնի



Ապրիլ 13ի երեկոյեան Հայաստանի Հանրապետական Կուսակցութեան կեդրոնական գրասենեակին մէջ կուսակցութեան գործադիր մարմինի եւ խորհուրդի նիստերը աւարտեցան: Նիստերուն աւարտէն ետք, կուսակցութեան բանբեր Էդուարդ Շարմազանով յայտարարութեամբ մը հանդէս եկաւ, յայտնելով, թէ Յովիկ Աբրահամեան՝ կուսակցութեան փոխ-նախագահը, նախագահ Սերժ Սարգսեանի կողմէ առաջարկուած էր որպէս վարչապետ։

Հանրապետական Կուսակցութիւնը որոշած էր, նախապէս յայտարարուած Երկուշաբթի օրուան փոխարէն, գործադիր մարմինի եւ խորհուրդի նիստերը օր մը առաջ կայացնել: Ըստ Սահմանադրութեան, նախագահը վարչապետ կը նշանակէ կառավարութեան հրաժարականին ընդունումէն առաւելագոյնը մինչեւ 10 օր:
Նախկին վարչապետ Տիգրան Սարգսեանի (2008-2014) կառավարութեան հրաժարականի ընդունումը տեղի ունեցաւ 3 Ապրիլին, ուստի 13 Ապրիլին կ՛աւարտէր տասնօրեայ ժամկէտը:
Սպասենք եւ տեսնենք, թէ Ազգ. Ժողովի նախագահ, 56ամեայ Յ. Աբրահամեանի ընտրութեամբ (2000-2008ին՝ Տարածքային Կառավարման նախագահ, 2008էն՝ Ազգ. Ժողովի նախագահ) նախագահ Սարգսեանի խոստացած լայնածաւալ փոփոխութիւնները տեղի պիտի ունենա՞ն։ Կա՞մ... լեռը մուկ մը պիտի ծնի։

No comments:

Post a Comment