Այցերու գումար - Total Pageviews - Total de visitas

11.9.13

«Այսինքն՝ կոտրէք Հալէպը եւ Բէյրութը, եւ 20 տարի յետոյ...»

Հայաստանը պէտք է գործադրէ բոլոր հնարաւոր ջանքերը սուրիական ճգնաժամէն առանց կորուստներու դուրս գալու համար: Սեպտեմբեր 3ին,  լրագրողներու հետ հանդիպման ժամանակ, այս մասին նշած է քաղաքագէտ եւ «Մոտուս Վիվենտի» կեդրոնի ղեկավար Արա Պապեանը:
«ՀՀ-ի համար եւ հայ ժողովրդի համար շատ կարեւոր է, թէ ինչ զարգացումներ կը լինեն Սիրիայում: Պէտք է ընդունենք, որ ապագայում ինչ էլ որ լինի Սիրիայի հետ, Հալէպն այլևս չի լինի նախկինը եւ համայնքը չի կարող վերականգնուել: Ըստ հաւաստի տուեալների` քաղաքի բնակֆոնդի 70 տոկոսն արդէն աւերուած է, իսկ ամերիկեան հարուածներից յետոյ այդ երկրից, այդ թւում նաեւ հայերից կարող է ընդհանրապէս ոչինչ չմնալ: Մենք պէտք է կարողանանք այս մարդկանց գոյութիւնը Հայաստանում հեշտացնել»,- նշեց Արա Պապեանը:
«Երկրորդ խնդիրը Հայաստանի իրավիճակն է: Թէ՛ Թուրքիան և թէ՛ Ադրբեջանը շահագրգռուած են պատերազմի մէջ: Թուրքիան փորձում է, այսպես ասած, միս ու արիւն տալ իր նէո-օսմանիզմի քաղաքականությանը եւ վերականգնել իր ազդեցությունը նախկինում Օսմանեան կայսրութեան կազմի մէջ մտնող երկրներում, այդ թւում նաեւ` Սիրիայում, նաեւ լուծելով կողմնակի հարցեր: Չպէտք է մոռանալ, որ հայկական հզօր համայնքներից մէկին իր կողքից վտարելը նոյնպէս կարեւոր է Անկարայի համար: Հալէպը կոչուել է մայր համայնք, որովհետեւ միւս համայնքներին մշտապէս ապահովել է ուսուցիչներով, լրագրողներով եւ այլն: Այսինքն` կոտրէք Հալէպը եւ Բէյրութը, եւ 20 տարի յետոյ դուք չէք ունենայ որեւէ լուրջ հայկական թերթ կամ դպրոց Սփիւռքում:
Իր հերթին Ադրբեջանի շահը դա նաւթի շահն է: Նոյն Ադրբեջանին ձեռք է տալիս նաւթի գնի բարձրացումը, որն անխուսափելի է ռազմական ներխուժման մեկնարկի դէպքում: Անկախ նրանից, թէ ինչ մասշտաբի պատերազմ կը լինի Սիրիայում, մեզ համար լարուած շրջան է: Մենք ուշադիր պէտք է հետևենք իրավիճակին, որ յանկարծ կորուստներ չունենանք»,- աւելցուց բանախօսը:
 
Panorama.am, Սեպտեմբեր 3, 2011

No comments:

Post a Comment