Այցերու գումար - Total Pageviews - Total de visitas

26.7.13

Ո՞վ տարածած է Ամենայն Հայոց Կաթողիկոսին պատասխանը

«ՆՈՐ ՅԱՌԱՋ»
Յուլիս 20ի մեր թիւին («ՆՅ»-533) մէջ հրապարակած էինք Ամենայն Հայոց Կաթողիկոսին՝ Ֆրանսայի Թեմի Առաջնորդ Նորվան արք. Զաքարեանին ուղղած Յուլիս 3 թուակիր պատասխան-նամակը։
Ստորեւ կը հրապարակենք Մայր Աթոռ Ս. Էջմիածնի քարտուղարութենէն «Նոր Յառաջ»ին՝ «հրատարակութեան խնդրանքով» ուղղուած նամակը, ուր Վահրամ քհնյ. Մելիքեան կը յայտնէ, թէ Մայր Աթոռին կողմէ չէ կազմակերպուած այդ պատասխան-նամակին տարածումը, այլ՝ Ֆրանսայի թեմէն Նորվան Սրբազանի կամ Թեմական Խորհուրդի ատենապետին շրջանակէն։
Նորվան Սրբազան եւ Փաթրիս Ճօլօլեան մեզի հաւաստեցին որ իրենք չեն տարածած նամակը։
Մեր գործը չէ ոստիկանական պրպտումներ ընել հասկնալու, թէ ո՞վ խմբագրութեանս յղած է երեք նամակներու՝ Նորվան Սրբազանին, Թեմական Խորհուրդի ատենապետին ու Պատգամաւորական ժողովի ատենապետին միասնաբար՝ Կաթողիկոսին գրածին, եւ վերջինիս պատասխանին պատճէնահանուած օրինակները։ Խմբագրութիւնս արդար դատեց հրապարակել Կաթողիկոսին պատասխանը, քանի որ նախապէս Նորվան Սրբազանին նամակը արդէն հրապարակուած էր։ Այս քայլին մէջ մեղադրական ոչ մէկ միտում կար, բացի տեղեկատուական գետնի վրայ հաւասարակշռութիւն հաստատելու նպատակէն։ Այս առնչութեամբ մեր ընթերցողներէն շատեր հարց տուեր էին մեզի, թէ Կաթողիկոսը պատասխանա՞ծ էր արդեօք Սրբազան Հօր եւ թէ ի՞նչ կրնար եղած ըլլալ պատասխանը։
Մայր Աթոռի հաղորդագրութիւնը կը հրապարակենք, առաւել՝ մեզի այս նամակները յղող ծածուկ անձնաւորութեան ել-գիրին պատճէնը (ինչպէս որ է՝ լատինատառ), որուն կոտրած արեւմտահայերէնը, գործածած բառապաշարն ու տառադարձութիւնները շատ բան կ՚ըսեն այդ անձին ինքնութեան ու անոր մտաւորական պատրաստութեան մասին։

***
ՅԱՐԳԱՐԺԱՆ ԽՄԲԱԳՐՈՒԹԵԱՆ ՈՒՇԱԴՐՈՒԹԵԱՆ`
ՀՐԱՊԱՐԱԿՄԱՆ ԽՆԴՐԱՆՔՈՎ

«Նոր Յառաջ» օրաթերթում Ֆրանսիայի Հայոց թեմի առաջնորդ Տ. Նորվան Արքեպիսկոպոս Զաքարեանի հրաժարական դիմումին ի պատասխան Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսի կողմից յղուած նամակի հրապարակումը բացարձակ առնչութիւն չունի Մայր Աթոռ Ս. Էջմիածնի հետ: Այս կապակցութեամբ հնչեցուած այն մեղադրանքը, թէ Մայր Աթոռն է կազմակերպել պատասխան նամակի հրապարակումը, անհիմն է եւ ընկալելի չէ ցայսօր Ֆրանսիայի թեմում տեղ գտնող զարգացումների հանդէպ Մայր Աթոռի կողմից որդեգրած գործելաոճի լոյսի ներքոյ: Միայն տեղեկացնեմ, որ նամակի օրինակներ եղել են Վեհափառ Հայրապետի անձնական քարտուղարութիւնում, Նորվան Սրբազանի եւ Ֆրանսիայի թեմի Թեմական Խորհրդի ատենապետի մօտ: Մեզ հասած տեղեկութիւնների համաձայն, Ֆրանսիայում այդ նամակից օրինակներ տրամադրուել են նաեւ եկեղեցական կեանքին առնչուող տարբեր անհատների:

ՎԱՀՐԱՄ ՔԱՀԱՆԱՅ ՄԵԼԻՔԵԱՆ
Տեղեկատուական համակարգի Տնօրէն
Մայր Աթոռ Ս. Էջմիածնի

***
«Հաւատացեալ ծառայ հայ ժողովրդին» ծածկանունով ստացուած ել-գիրին պատճէնը։


Subject: petq che havadal suderun!
Date: Thu, 18 Jul 2013 12:40:07 + 02:00
meg darin verje, Genosidin 100 darin kella, mek qandeq merin ekeretzin!
ellanq miasin!
petq che havadal suderun!!
mek urakhazreq Turqian, vorme ge pahanjenq ed merin egeretzinere!ge bave aylevs
ke husam vor dzerin gouyne eragouyne ev woj te Deghin.
Havadazeal dzara Hay Jorovurdin
 
«Նոր Յառաջ», Յուլիս 25, 2013
 
«Հայկականք»ի կողմէ.
Այս արտառոց շարադրանքն ու տառադարձութիւնը կը մատնեն անձ մը որ խառնած է՝ միշտ արտառոց սխալներով, արեւելահայերէն եւ արեւմտահայերէն («մէք ուրախացրէք», «մէք քանդէք», «մերին», «ձերին» ...), խառնած է լատինատառ տառադարձութեան ձեւերը ("ge pahanjenq", "ke husam", "eragouyne", "deghin"...), խառնած է ֆրանսերէն ընթերցողներու բնորոշ տառադարձութեան ձեւերը ("suderun", "gouyne"...) եւ, վերջապէս, անտեղեակ է "genocide" բառի հայերէնին եւ «մէկ տարին վերջը» (sic!)... ցեղասպանութեան 100ամեակ չըլլալուն։ Տրամաբանական է ենթադրել, որ «հաւատացեալ ծառա»ն, ամենայն հաւանականութեամբ, ինքնահնար արեւմտահայերէն գիտնալ յաւակնող եւ ֆրանսահայերու կողմէ «ղ» հնչիւնը r գիրով տառադարձելու ձեւը իմացող (այդ ալ՝ կիսկատար. "ekeretzin"/"egeretzinere") արեւելահայ մըն է (կարելի է նոյնիսկ աւելցնել, որ միայն հայաստանցիներու մօտ կը հանդիպինք «ք» տառը q տառադարձելու սկզբունքին), որ, աւելցնենք, չի գիտեր, որ «ոչ» բառը «ոջ» (woj) չեն գրեր (եւ գուցէ «աղջիկ»ը կը գրէ «աղչիկ»)...։ (Եթէ գրողը անգրագէտ արեւմտահայ մը ըլլար, անկասկած «ուրախացրէք» պիտի չգրէր, ոչ ալ «մէկ տարին վերջը»)։ Արդեօք երեք նամակներու թղթածրարը մատնանշուած երեք դիւաններէն ո՞ր մէկէն  «տրամադրուել է» «հաւատացեալ ծառայ»ին։ Կը մնայ.... գաղտնիք Փարիզու...։
  
 



No comments:

Post a Comment