Այցերու գումար - Total Pageviews - Total de visitas

6.10.13

Զինանշանը շտկումների կարիք ունի

ԻՆԳԱ ՊԵՏՐՈՍԵԱՆ
 
Նկարիչների Միութեան նախագահ Կարէն Աղամեանն ասում է, որ հայկական զինանշանն աղաւաղուած է եւ փոփոխութիւնների կարիք ունի:
Երէկ (Հոկտեմբեր 3) լրագրողների հետ հանդիպման ժամանակ պարոն Աղամեանն անդրադարձաւ զինանշանի թերութիւններին: Ըստ նրա` ներկայումս զինանշանի տեսքը 1918 թուականին նկարուած զինանշանից խիստ տարբեր է: Հայաստանի երրորդ Հանրապետութեան զինանշանի առիւծը ճաղատ է, ինչը նշանակում է, որ ծեր է: Սովորաբար զինանշանների վրայ պատկերուած կենդանիների երախը բաց է լինում, ինչը նշանակում է, որ հսկում են պետութեան սահմանները, սակայն մեր զինանշանում պատկերուած առիւծի երախը բաց չէ: Բացի դրանից` զինանշանի վրայ պատկերուած թուրը պէտք է պատռէր շղթան, սակայն հայկական զինանշանի դէպքում հակառակն է՝ շղթան փաթաթուել է թրին, եւ անգամ թրի ծայրը սուր չէ:
Կարեն Աղամեանը յաւելեց, որ մեր զինանշանի մէջ թաքնուած են թշնամական նշաններ, եւ կարծես թէ մէկը դիտաւորեալ աղաւաղել է:
Պարոն Աղամեանն ակնկալում է, որ զինանշանի վրայ շտկումներ կ՚արուեն, մանաւանդ որ հարցը քննարկուել է նաեւ Հանրային Խորհրդում:

«Ազգ», Հոկտեմբեր 4, 2013

No comments:

Post a Comment