Այցերու գումար - Total Pageviews - Total de visitas

10.9.13

Սամուէլ Ալեքսանեանը իր հարստութեամբ միայն Գագիկ Ծառուկեանին կը զիջի Ազգային Ժողովին մէջ

«Բարգաւաճ Հայաստան» խմբակցութիւնը Հայաստանի Ազգային Ժողովի ամենահարուստ խմբակցութիւնն է. խմբակցութեան 36 պատգամավորները միասին յայտարարագրած են 98.100.000 տոլարի համարժէք գումարի ունեցուածք: «Արմենփրէս»-ի հաղորդումով, այս տուեալները Սեպտեմբեր 5-ին ներկայացուեցան «Մանդատ» հասարակական կազմակերպութեան կողմէ, որ հետեւած էր Ազգային Ժողովի պաշտօնական կայքէջի տուեալներուն:
«Հանրապետական» (ՀՀԿ) խմբակցութիւնը՝ 70 պատգամաւորներու յայտարարագրած 35.700.000 տոլարի համարժէք դրամական միջոցներու հանրագումարով, երկրորդն է:
ՀՅԴ խմբակցութիւնը (Հայ Յեղափոխական Դաշնակցութիւն) երրորդն է. 5-հոգանոց խմբակցութիւնը յայտարարագրած է 537.677 տոլարի համարժեք գումար:
Չորրորդ տեղը կը գրաւէ ՕԵԿ-ը (Օրինաց Երկիր կուսակցութիւն). խմբակցութեան 6 պատգամաւորները յայտարարագրած են 234.565 տոլարի համարժէք գումար:
ՀԱԿ (Հայ Ազգային Կոնգրէս) խմբակցութեան 7 պատգամաւորները միասին յայտարարագրած են 169.275 տոլարի համարժէք գումար:
«Ժառանգութիւն» խմբակցութեան 5 պատգամաւորներուն յայտարարագրած դրամական միջոցները ամենահամեստն են. ընդհանուր առմամբ՝ 118.800 տոլարի համարժեք գումար:
«Մանդատ» հասարակակական կազմակերպութիւնը՝ առանձին պատգամաւորներու յայտարարագիրներու հետազօտութեամբ պարզած է, որ 20 պատգամաւոր տոլարային միլիոնատէր է: Անոնց առաջին հնգեակին մաս կը կազմեն 4 ԲՀԿ-ականներ` Գագիկ Ծառուկեանը, Վահան Կարապետեանը, Գուրգէն Արսէնեանը եւ Գրիգորի Մարգարեանը: ՀՀԿ-ական Սամուէլ Ալեքսանեանը իր կարողութեամբ միայն Ծառուկեանին կը զիջի:
Դրամական միջոց չէ յայտարարագրած 21 պատգամաւոր. անոնցմէ 12-ը՝ ՀՀԿ, 4-ը՝ ԲՀԿ, 3-ը՝ «Ժառանգութիւն», 2-ը` ՀԱԿ խմբակցութեան անդամ են:
Ըստ ընտրական օրէնսգրքի, պատգամաւորութեան թեկնածուն Կենտրոնական Ընտրական Յանձնաժողով կը ներկայացնէ յայտարարագիր ընտրութիւններուն նախորդող տարուան ընթացքին ձեռք բերած գոյքի եւ եկամուտներու մասին: Յայտարարագիրը կը ներառնէ տուեալներ թեկնածուի անշարժ եւ շարժական գոյքի, դրամական միջոցներու, տարեկան եկամուտներու, արժեթուղթերու եւ ներդրումներու, թանկարժէք իրերու մասին:

«Արմէնփրէս», Սեպտեմբեր 6, 2013

No comments:

Post a Comment